ديما يسألونى

سألوني
هو الحب قصيدة
ولا وردة وتنهيدة
ولا صوت جميــــل
في تغريــدة

سألوني
هو الحب كلام
ولا نظرة وسلام
ولا همس وغرام

سألوني
هو الحب حنين
ولا شوق بأنين
ولا انتظار سنين

سألوني
هو الحب إيه
ماتقوليلنا عليه
تعرفي توصفيه
وبالكلمة تحدديه



قلت
الحب حياة
غير الأمل فيها مانشوف

الحب قلب
مايعرف أبدا خوف

الحب نبض
فى القلب وعلاج موصوف

الحب كلمة
نقراها من غير حروف

الحب بذرة
في أرض طيبة
على مد الشوف

الحب ضحكة
من القلب
تسوى الألوف

الحب طبطبة
تشيل الهم والخوف

الحب طير في السما
بيطوف

الحب سماح
قلب مرتاح
ما يعرف الكره مهما يشوف


الحب ياناس مش
شابة وجدع

الحب طبع
في القلب انطبع

الحب بير
من الروح نبع

الحب ألم
من غير وجع

الحب قلب
للكون اتسع